Osama qaqqani toqqoqqavoq
Osama Bin Laden, suli peeqqeqaluni ajornanilu uumasoq, Taliban-it siuttuisa toqutaaqqammisup Mullah Dadullah-p qatanngutaa Haji Mansour Dadullah oqarpoq.
- Al-Qaeda-p siuttuata Osamap misiginneqatiginnissummik nassippaatigut, ajunngilluinnarnerarporlu. Qatanngutiga toqutaasoq toqumigut Osamap nalunaajaasunngortunngornerarpaa. Osamap musliimeqatini allat toqutaasimasumut Daullah-mut malinnaasunngornissaat kaumissaarutigaa.
USA isertortumik paasiniaasartui oqarput, Osama Bin Laden sakkutuuilu qullersaasut, Afghanistanip Pakistanillu akornanni qaqqani toqqoqqasut. Tamannalu patsisissaqarluartoq, Mansour Dadullah oqarpoq.
- Osama toqqoqqasariaqarpoq, tassami saqqumisunngussagaluaruni toqutaasinnaagami. Al-Qaeda aqunneqarluarluni ingerlassappat, Osama toqqorluaqqasariaqarpoq, Dadullah naggasiilluni oqarpoq.
