Osama bin Laden tutsiuppoq
Osama bin Laden tutsiuteqqimmat tapersersuisut nuannapput, USA-millu saassussisoqarnissaa aarleqqutigineqalerpoq.
Allattoq Mads Lynge
Peqqarniisaarniartartut al-Qaeda-kkut siuttuat Osama bin Laden video-kkut saqqummeqqammerpoq, al-Qaeda-kkunnillu tapersersuisut tamanna nuannaarutigeqaat.
Videoliaq tallimanngormat saqqummermat Kangia Qiterlermi assigiinngitsumik qisuariarfigineqarpoq. Arabiamiusut oqaasillit amerlasuut bin Laden illuatungilerpaat, Kangia Qiterlermilu eqqissiviilliortoqalernissaq aarleqqutigineqarluni.
New York aamma Washington al-Qaeda-kkunnit ukiut arfinillit matuma siornatigut saassunneqarput, USA-lu eqqorteriaannaasutut bin Ladenip videoliami nalilermagu saassussisoqaqqinnissaa aamma annilaanngatigineqalerpoq.