Osama bin Laden amerikamiut tigusarineqassangatinngilaat

Osama bin Ladenip USA-mi eqqartuussivimmut sassartinneqarnissaa qaqugumulluunniit naatsorsuutigineqarsinnaanngilaq, amerikami inatsiseqarnermut ministeri Eric Holder ippassaq taamatut oqarpoq.
Allattoq Jaaku Lyberth
marsip 17-at 2010 06:23

Pinerliiniartartoqatigiit al-Qaedakkut pisortaata amerikamiunit tigusarineqarnissaa Eric Holderip naatsorsuutiginngilaa.

Innuttaasut sinnerlugit sinniisoqarfimmi, Repræsentanternes Husimi, oqallittoqarnerani inatsisinut atortortitsinermut ministeri oqarpoq, Osama bin Ladenip timaata toqungasup nassaarineqarnissaa ilimanarnerusoq, tigusarineqarlunilu USA-mi eqqartuussivimmut sassartinneqarnissaa ilimanarnerunani.

- Pissutsit piviusut takusariaqarpagut, Osama bin Ladenip amerikami eqqartuussivimmut sassartinneqarnissaa piviusunngunngisaannassaaq, Eric Holder oqarpoq.

Osama bin Ladenip tigusarineqarnissaannut paasissutissanik tunniussaqarsinnaasut 25 millioni dollarsinik akilerneqarnissaannik USA neriorsuinikuuvoq, tamannali suli iluatsinngilaq. Osama bin Laden USA-mit tigusariniarneqarnera aallartippoq USA-mi ukiut qulingiliuat matuma siornatigut, timmisartut atorlugit saassusisoqarnerata kingorna.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq