Qulaarpaa Oruluallaarneq namminiilivinnissamut aqqutissaanngilaq

Ujarneq Fleischer namminiilivinnissamik takorluugaqarpoq, isumaqarporli tamatuma piviusunngortinnissaanut oruluallaarlutalu qularpallaartugut.
Assi © : Dorthea Johansen
decembarip 07-at 2016 10:36
Nutserisoq Jens Thorin

Oruluallaaqaagut naammassinnissanatalu. Taamaammat namminersulivinnissarput suli ungasippoq. Isiginnaartitsisartoq Ujarneq Fleischer taama oqarpoq. Taassuma nunarput namminersortuusoq angumeriumaarlugu neriuppoq.

Taanna naapertorlugu sukanganerusumik pissuseqarneq pissusissumillu malinnilluarneq aqqutissaavoq.

- Kalaallit massakkut nukatsitaanermik. Naammagittaalliortorujussuupput. Eqqarsaatigissagutsigu, immaqa najugaqarfitik qimakkunikkit; "aa ila narrunaq". Atuarfimmi atualerunik, Ilinniarfissuarmi imaluunniit arlaanni atuakkat nammineq akiligassatik; "kaar akisut! Akisoorujoruju.. ææv". Namminersulivikkutta tamaaviisa akilertusaavagut. Nammineq akilertussaavagut, Ujarneq Fleischer taama oqarpoq.

Pimoorussinerusariaqarpugut

Naak ilinniartut isorigaluarlugit, naminersulivinnissamut aqqut taakkunaniittoq, taanna isumaqarpoq.
Inuusuttullumi meeqqallu atuarnermik pimoorussisariaqarput.

- Massakkut isigissagutsigu, meeqqat immaqa oqartarput; "aaah atuarfik ææh" Ilinniartitsisut oqartarput; "aa, meeqqat naajlannginnermik bla, bla, bla".

Taamaammat qangatut naalakkisaartitsisaleqqinnissaq eqqarsaatigineqartariaqartoq, isiginnaaritsisartoq inuusuttoq isumaqarpoq.

- Naluara, kisianni assersuutigiinnarpara. Atuarnerup tungaatigut arlaatigut sukasaasariaqarpugut.

Neriuppoq qularlunili

Ujarneq Fleischer suliniutinik iluatsittunik amerlanerusunik takorusukkaluarpoq, aporfissarpassuaqartorli isumaqarpoq. Takorluugaqarporli.

- Soorunami namminersulivinnissaq angumererusunnarpoq. Uanga takorusussinnaavara. Kisianni nunatsinni pissutsit taamaattut qiviassagukkit. inuutillunga angumerissallugu uanga ilimaginngilara.