Orpinnik pilersitsinialersaarput

CO2-mik aniatitsinerit annikillisarneqarnissaanut siunniussat Kyotomi isumaqatigiissutigineqartut nunatsinnit anguneqarsinnaannaassagunanngimmata, orpinnik CO2-mik annikillisaataasunik pisisoqartariaqassagunarpoq.
decembarip 28-at 2007 11:22

Ilisimatuut Columbia Universitymeersut , Los Alamos National Laboratorymeersullu orpiit tamakku pilersissinnaalereerpaat. Atuagassiami Ingeniørenimi tamanna atuarneqarsinnaavoq.

- 1800-kkunni suliffissuaqalerneq sioqqullugu silaannaap CO2-qassusiatut ilersissinnaavarput, ilisimatuut oqarput.

CO2 aniatinneqartoq 90.000 tonsitut annertutigisoq ukiumut piiarneqarsinnaagaluarpoq, imaluunniit biilit 15.000-it aniatitaasa assinganik piiaasoqarsinnaassagaluarluni.

Biilit nunatsinniittut 5.000-it missaanniipput.

Orpiit pilersinniarneqartut orpivittut isikkoqanngillat. Orpiit CO2-mik annikillisaataasarnerannut assinguinnarput.

Orpinnik pilersitsiniarneq nukinnik atuiffiussaaq, CO2-li aniatinneqartoq annertuallaanngimmat orpiit iluaqutaasinnaassasut, ilisimatuut isumaqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq