Orpiliassat eqqornerlugaalerunarput
Ukiap kiappallaarnera pissutigalugu orpiit meqqutaasallit killorneqartigatik nillataartumeeqqaarnissaraluat pinngitsoorpoq, taamaalillutik orpiit killoriikkat pisiniarfinnut apuussassat juullertinnagu meqqutaasatik katagalersinnaassavaat.
- Sila kiappallaarsimavoq, orpiit avalequtikkaarlugit ilivitsukkaarlugillu tunisassat ajoquseriaannanngorlutik. Attartunerunissaalli pillugu suliniuteqarpugut, Orpissanik naatitsisartoqatigiit peqatigiiffianneersoq Henrik Mainz oqarpoq.
Silap pissusaata allanngornera orpinnut kingunerluinnanngilaq aammali illuutillit tamanna pissutigalugu aningaasartornerulissagunavipput, sillimmasiisarfiimmi ukiumut akiliutigineqartartut qaffaassamaalerpaat.
- Silamik peqquteqartumik illuni aserukkat ajoqusernerillu Danmarkimi amerligaluttuinnarput, sillimmasiisarfinnut aningaasartuuteqarnerulernermik kinguneqartumik. Taamaammat sillimmasiissutit qaffannissaat ilimagineqartariaqartoq, Toels Rasmussen, Tryg-imi tusagassiisartoq oqarpoq.
Silamik nalunaarutaasartut takutippaat anorersuit amerlanerulersut sakkortunerulersullu.