Orpiit peqquserluutit

Qularnanngitsumik angerlarsimaffiit amerlanersaat orpissaminnik isumaginnissimassapput taamaalillutillu tikka nuannersoq juullisunninnermut ilaalluinnartoq qularnaarlugu. Ajunngitsualu: Angiortumik eqqussanngilaq.

Norgemiulli orpeqaraluaqisoq Danmarkimiit eqqussuisarput, orpiillu ilaat akileraaruserneqaratik tunineqartarneri Norgemi orpinnik naatitsisartut tuniniaasartut isumaqarput.

Norgemi naatitsisartut tuniniaasartullu unnerput danmarkimiit 100 mio. koruunit pallillugit tuniniaasoqartartoq, taakkunanngali 80 mio. koruunit nalinganut akitsuusiinani tunisisoqartartoq.

Suliffeqarfiutilittut tutsuiginartutut inissinniaraluarpugut kisiannili taamaaliorneq ajornartupilussuuvoq, danskimmi orpii tunineqartarput akinut unammillerneqarsinnaanngivissunut, taamaanneralu akuerisinnaanngivipparput Ragnar Swift, suliniaqatigiiffimmiit ”Norsk Pyntegrønt”-imiit norskit aviisiannut ”Nationen”-imut nalunaarpoq.

Suliniaqatigiiffiup norskit ilanngaasersiuinut akileraaruserisuinullu ataveqareerpoq ajornartorsiut aaqqiiviginiarlugu.