Ulussaarsuaq Harvey anorersuannguuppoq
Amerikami naalagaaffimmi Texasimi ulussaarsuaq Harveymik taaguuteqartinneqartoq arfininngornermi aqqusaarmat sakkukilliartortutut arlaleriarlugu nalunaarutigineqarpoq.
Ulussaarsuaq Havey sakkortussutsinut 4-nut sakkortutigisutut nalunaarutigineqarpoq.
Texasimi ukiuni kingullerni 50-ni aatsaat taama sakkortutigisumik ulussaarsuartoqarpoq,
Piffissap ingerlanerni ulussaarsuaq sakkukilliartorpoq anorersuartullu sakkortutigilerluni, anoraasuarnerillu sakkukilliartormata sekundimut meterimut 60-nik sakkortussuseqalerlutik.
Ulussaarsuup anorersuullu aqqusaannginneranni najugaqartut, igalaatik qajannaarsorlugit kikiattorpaat ulluinnarnilu atorfissaqartinneqartut nerisassallu pisiariartorneqarlutik.
Texasip sineriaani nunap immikkoortuini pukkinnersani arfineq marlunni najugaqartut qimarngussuunneqarput inuillu titusintit qimagussuussimallutik.
USA-p præsidentiata Donald Trumpip Texasimi ajornartorsiortoqarneranik nalunaarut tallimanngormat atsiorpaa, taamaaliorporlu Texasimi guvernørip Greg Abbottimik kaammattuinerata kingorna.
Ulussaarsuup Harveyp amerikami naalagaaffimmut ataasiinnanngitsumut eqquisussaatut præsident Donald Trumpimit nalunaarutigineqarnissaanik Texasip guvernøriata Greg Abbottip Trumpimut kissaatigisimavaa.
Taamaalilluni USA-mi naalakkersuisut ajunarnersuaqarnermi ikiunissamut atugassanik tunniussereerniassammata.
Ulusaarsuaq suli takkutinngitsoq naalagaaffiit ilaanni najugaqartut qimagussuutsinneqarput.
Ulussaarsuaq Harvey sakkortoorujussuarmik anoraasuartitsisarnissaa Mexicollu kangerliumarnganit immamit qarsutsisoqarnissa naatsorsuutigineqarpoq.
Ulussaarsuartoqarnerani siallerujussuarnissaa aamma ilimasaarutigineqarpoq .
Qarsutsisoqarujussuarnissaa immikkut ilisimasallit aarlerisaarutigaat