Oqimaassuseq aallaavigalugu timmisartornermut akiliut periarfissaavoq

Orsussap akiata qaffakkaluttuinnarnera ilutigalugu, timmisartortitseqatigiiffiit aningaasartuutaat annertusiartupiloorput. Timmisartortitseqatigiiffiit ukiormanna11 milliarder koruuninik annaasaqarnissaat naatsorsuutigineqarpoq.

Tamatumunngalu pissutaarpiartoq tassaavoq orsussap akiata ukiuni kingullerni qaffakkiartupiloorsimanera. Tamatuma kiguneraa timmisartortitseqatiffiit aningaasartuutigisartakkamik ilaannik ilaasorisartakkaminnut akilisitsisalernissamik eqqarsalernerannik

Soorlu ilaatigut ilaasut oqimaassusiat aallaavigalugu akiliisitsisalernissaq imaluunniit timmisartumi ammanersortarfimmukarnermi akiliisitsisalernissamik eqqarsartunik, aningaasaqarneq pillugu aviisi Børsen taamatut allaaserisaqarpoq.

Finland-imiut timmisartortitseqatigiiffiata Finnair-ip pisortaata maajip qaammataani oqaatigaa, ikasarnersoq paasineqanngilaq, aviisimi Børsenimit apersorneqarluni oqarpoq, timmisartuni ammanersortarfiit tassaasut timmisartortitseqatigiiffiit sanaavi pitsaanerpaat. Timmisartuni ilaasut 10.000 meterinik qutsitsigisumiillutik ammanersoriarsinnaapput, timmisartortitseqatigiiffiillu tamanna kisiartaallutik sanaarigaat, oqarluni.

Danskit aviisiat ullormut saqqummersartoq Politiken ullumi saqqummersumi ilaatigut taamatut allaaserisaqarpoq, allaaserisarli eqqarsaatersornerinnaagaallarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat