Oqimaaqatigiinneq ingerlalluanngilaq
Nunatsinni tunisat pisiallu oqimaaqatigiinnerat ingerlalluanngilaq, tamanna kisitsisit nutaat nunatsinni naatsorsueqqissaartarfimmeersut takutippaat.
Tunisassianik nunatta avataaneersunik pisivallaartarpugut.
Ukiup qaammataani siullerni qulingiluani avammut tunisatsinnit 1 milliardi koruuninik amerlanerusunik nunatta avataaniit eqqussuisimavugut.
Tamanna siornamut sanilliullugu 400 million koruuninik ajorseriarneruvoq.
Taakkua aningaasat amerlanersaat ikummatissanik pisinermut atorneqarput –tassami ikummatissanut atukkavut 342 million koruuninik amerleriarsimapput.
Avammut tunisat – imaluunniit kalaallit tunisassiaat – aammattaaq ikilerialaarsimapput. Tassa annerusumik aalisakkanit qalerualinnillu tunisassiavut ikileriarsimagamik. Siornamut sanilliullugu immap uumasuinit tunisavut 66 millioni koruuninik ikileriarsimapput.
