Oqartussaasut kukkusut: Sulisoq isorinnilluni oqaaseqarsinnaatitaavoq
Peqqissutsimut Naalakkersuisoqarfiup napparsimmavimmi sulisut sinniisaat sulinermut pissutsinik tusagassiuutinut oqaaseqaateqarsimanerata kingunerisaanik mianersoqqussummik tunineqarpoq.
Peqqissutsimut Naalakkersuisoqarfiup sulisut sinnissaannut mianersoqqussummik tunniussinerminut tunngavilersuutigaa, suliffeqarfimmut ilumoorfiginninngitsutut iliuuseqarnertut isigineqarmat.
Tamanna kukkunerusoq, Inatsisartut ombudsmandiat isumaqarpoq.
Sulisut sinniisaat suliffimminut ilumoorfiginnippoq Peqqissutsimullu Aqutsisoqarfimmit tusagassiortunik oqaloqateqarnissamut akuerineqarluni.
- Uanga paasinninnera unaavoq manna erseqqilluinnartoq tassalu sulisut sinniisaat taamatut oqaaseqaateqarnermigut nipangiussisussaatitaanerminik unioqqutitsisimanngitsoq, Inatsisartut Ombudsmandiat taama allappoq.