Oqarasuaatit angallattakkat attaveqaataat ajoquteqartut
Oqarasuaatit angallattakkat Ippassaq nuna tamakkerlugu internetimut attaveerukkaluarput. Kinguneranik oqarasuaatit angallattakkat attaveqaataat ajoquteqalersimapput.
Allattoq Mads Pedersen
Tele-Postip oqarasuaatit angallattakkat attaveqaataannik atuisut attaveeruttarnertik naammagittaalliuutigaat. Atuisut ilaat sianerfigineqarsinnaanatillu SMS-erfigitissinnaanngillat.
Tamanna ajornartorsiutaasoq Tele-Postimi attaveqatigiinnermut pisortap KNR-imut uppernarsarpaa.
- Ajornartorsiut Tele-Postimi misissorneqaleruttorpoq. Atuisut ilaat ajornartorsiummik eqqugaaqqapput maannalu teknikerit ajornartorsiut aaqqinniarlugu sulissutigaat, Arnakkuluk Jo Kleist KNR-imut oqarpoq.
Oqarasuaatit angallattakkat sapaatip akunnerata naanerani internetimut attaveerukkaluarput.