Oqaluuserisassaq kinguartippaat
Siunnersuut sooq tunuartinneqarnersoq naalakkersuisut nassuiaatiginngilaat, siunnersuulli piffissami kingullermi isornartorsiorneqangaatsiarpoq.
Naalakkersuisunut illuatungiliuttut Nukissiorfiit piginneqatigiiffinngortinneqarnissaannut siunnersuut tapersersunngilaat, atuisunut iluaqutissartaqannginnerarlugu.
Sulinermik Inuussutissarsiuteqartut Kattuffiata siunnersuut aamma tapersersunngilaa, soorluttaaq borgmesterit arlallit akerliusut.
Nukissiuuteqarnermut politikkimut sunniutikinnerulernissartik borgmesterit aarleqqutigaat.
Siunnersuutip tunuartinneqarnera pillugu suli nassuiaasoqanngilaq, naalakkersuisulli ullumikkut nassuiaateqarnissaat naatsorsuutigineqarpoq.
Inatsisartut ullumikkut ataatsimiinnerat ullaap tungaa qulinut aallartissaaq KNR-TV-kkullu toqqaannartumik aallakaatinneqassalluni.