Oqaluttualiaaqqanik unammisitsilersut

Saammaateqatigiinnissamut Isumalioqatigiissitap oqaluttuaaraliornermik unammisitsineq “Issittup sapangaa”-nik qulequtalik juunip aallaqqaataani saqqummiuppaa.

Oqaluttuaaraliortitsinerup siunertaraa, Kalaallit Nunaanni Isumalioqatigiissitap suliaanut innuttaasunik peqataatitsinissaq, isumalioqatigiissitap tusagassiorfinnut nalunaarutaani allaqqavoq.

Kalaallit Nunaata oqaluttuarisaanera, ineriartornera pissutsillu oqaluttualiami qulequttatut qitiutinneqassapput.

Kalaallit Nunaataana imaluunniit inuiaqatigiit suna pillugu saammaateqatigiissutigisinnaagaat? Siunissamilu Kalaallit Nunaat saammaateqatigiinnermut attuumassuteqartillugu qanoq isikkoqarpa?

Unammisitsinermi ilaarusuttut paasissutissanik amerlanernik Saammaateqatigiinnissamut Isumalioqatigiissitap allattoqarfianut saaffiginninnikkut, imaluunniit nittartakkami www.saammaatta.gl Facebookimilu quppernermi “Saammaateqatigiinnissaq”-mi pissarsisinnaapput.