Oqalutsip toqutaanera aatsaat tusarliunneqartoq
Oqalutsip irakimiup Irakimi danskit sakkutuuinik sullissereerluni ukiup affaa sinnerlugu qaangiuttoq toqutaanera aatsaat tusarliunneqarpoq, aatsaallu irakimiup oqalutsip allap aamma Irakimi danskit sakkutuuinik sullissisup tusagassiorfiit tamaviaarluni e-mailikkut allakkatigut pissarsiarimmagit danskit naalakkersuisuisa oqaluttuaq uppernarsil-lugu. Naalakkersuinikkullu illuatungiliuttut tamanna tupigusuutigaat. SF-ip siulittaasua Villy Søvndal: Eqqumiiginarpoq naalakkersuisut oqaluttuaq Folketingimut inunnullu tamanut isertuussimammassuk, imaanngilarmi suliassaq taanna oqa-luusererusunngikkipput. Aammattaaq sakkutuut naalagaasa irakimiunik Irakimi oqalutsinik suleqa-teqarsimasut isumaqarput oqalutsi toqutaasoq pillugu naalakkersuisut piaaralutik tamanut saqqum-miussinaveersaarsimasut. Sakkutuut naalagaat oqaatsinut tunngasunik suliaqartartoq Mathias Vaage oqarpoq: Isumaqarpunga oqaluttuaq aamma tamanut saqqummiukkusunnanngitsoq. Kina tamatumani pineqarpa? Isumaqarpunga nunanut allanut ministereqarfik pineqartoq. Maannakkorpiaq oqalutsit 21-t Irakimi danskini atorfeqarput, taakkualu qanoq pineqarnissartik tamarmik utaqqillugu, kisiannili ministeriunermut siornatigut nalunaarutigineqartut tunngavigalugit oqalutsit annilaanngatissaqanngillat. Naalakkersuisut erseqqissaatigisaat tassaavoq irakimiut danskinik ikiuisimasut soorunami isumakkiiginnarneqassanngitsut. Ministeriuneq marsimi taama oqarpoq, illersornissamulli ministerip Søren Gadep februaariuinnalersoq neriorsuutigaa oqalutsit Danmarkip ikiussagai. Oqalutsilli atugaat piffissap ingerlanerani ajorneruliinnarsimapput, aatsaalli ulluni kingullerni oqalutsit ikiorniarlugit aalajangersimasumik suliniuteqartoqalerluni. Nunanut allanut ministereqarfimmit sinniisuutitat maannakkorpiaq Irakimi danskit najugaqarfianniipput oqalutsit taakkua siunissaat pillugu oqaloqatiginiarlugit. Oqaaseqartitsiniaraluarpugut suna pillugu tamanna pinersoq danskit naalak-kersuisuisa oqalutsit isumakkiiginnarneqassanngitsut neriorsuimmatali qaammatit sisamat qaangiute-reersut. Kisiannili tusagassiortoq aallartinneqartoq aammalu aaqqiissuteqarniarluni suliniartoqartoq Søren Gade oqarpoq.
Irakimiut oqalutsit danskit sakkutuuisa Irak aggustimi qimappassuk qanoq pineqassanersut pillugit, Dansk Folkeparti ilisimatinneqarnissaminik ujartuivoq.
Eqqortuliornerusinnaanngilaq oqalutsit taakkualu ilaqutaasa nalunaarfigineqarnissartik aggustiuler-nissaanut utaqqissappassuk, partii isumaqarpoq, taamaattorli isumaqarluni oqalutsit Irakimiittaria-qartut.
