Oqalugiaat pikkunaatsoornartoq
Statsministerip ammaalluni oqalugiaataa pikkunaatsoornarpoq, taama IA-p folketingimi ilaasortaatitaa Kuupik Kleist isumaqarpoq.
Allattoq Oline I. Olsen
- Allanut oqalugiaatigisartagaanut naleqqiullugu, isumaqarpunga oqalugiaat sakkukittoq, nunarput pillugu oqaaserisai annikittuaararsuupput, Kuupik Kleist oqarpoq.
Nunatta Danmarkillu akornanni ulluni makkunani pisut oqalugiaammi eqqaaneqanngitsut isummerfigineqanngitsullu, Kuupik Kleistip erseqqissaatigai.
- Nunatta nunarsuarmioqatigiit akornanni avatangiisit pillugu suleqatigiinnerani peqataasarsimanera, oqalugiaammi oqaatigineqanngilaq, taamaalilluni oqalugiaat assut pikkunaatsoornarpoq, Kuupik Kleist oqarpoq.