Oqaloqatigiinnerusariaqarput
-Angerlarsimaffinni imigassamik atugaqarneq atugarissaannginnerusunut ilisarnaataasoq, taavalu angerlarsimaffimmi ajornartorsiuteqarnerit. Kiserliortarneq ikinngutillu qanigisat ikippallaaraangata, taakku pingaarnertut faktoritut taaneqarsinnaapput.
Ajornartorsiuteqarnermi suut ilaatigut aamma patsisaanersut apeqqutigigatsinni Lona Lynge erseqqissaavoq:-Immaqa oqaatigineqarsinnaavoq taakku affaata missaat atugarissannginnerusutut taaneqarsinnaasut immaqaana angajoqqaaminnut inersimasunullu attaveqarnerat ajornakusoornerusimasoq, taamaappallu ammaassineq, tassa inersimasunut attaveqarnerulernissaq pilersinneqarsinnaavoq immaqa.
Taamak oqarpoq nalunaarusiamik ataqatigiissaarisoq Lona Lynge. Atugarissaartutut imminnut isigisut immikkullarissusaat apeqqutigatsigu imak nassuiaavoq:-Atugarissaartut angajoqqaanut attaveqarluartartuusut aammalu inersimasunut, taavalu ajornartorsiutit pillugit oqaloqatiginnilluarsinnaasut angajoqqaanik inersimasunik ikinngutinik peeqqanillu.