Oqallissaarisartoq filmimi pingaarnertut inuttaassaaq

Avatangiisit pillugit oqalliseqataasartoq, lektori Copenhagen Consensusimilu pisortaq, Bjørn Lomborg, filmimi nutaami "Cool it"-mik atilimmi pingaarnertut inuttaassaaq. Ukiaru septemberimi, Torontomi canadamiittumi fil Festivaleqarnerani filmi takuteqqaarneqassaaq. Nutaarsiassaqartitsivimmi Ritzaumi tamanna allaaserineqarpoq.

- Nunat piitsut silap pissusaata allanngornerani qanoq naleqqussarsinnaanersut, illoqarfiillu angisuut qorsunngornerulersinnerisigut qanoq ilillugit nillataarnerulersinneqarsinnaanersut filmimi qitiutinneqassapput, Bjørn Lomborg aviisimit Jyllands-Postenimit issuarneqarpoq.

Filmi "Cool it" Los Angelesimi sivisujaamik immiunneqarerpoq. Kenyami, Skotlandimi USA-milu aamma immiunneqarpoq.

Bjørn Lomborg taareernitsitut pingaarnertut inuttaassaaq, Al Gore filmimi inuttaaqataaqqulllugu aamma qinnuigineqarsimagaluarpoq, iluatsinngitsoorporli.

Jyllands-Postenimi allaaserineqarpoq filmiliortut Bill Gates filmimi peqataaqqullugu affarmik isumaqatigiissuteqarfigisimagaat, Naalagaaffiillu Peqatigiinni silap pissusaa pillugu paasisimasalittaasa, IPCC-ip, siulittaasuat, indiamiu, Rajendra Pachauri, aamma isumaqatigiissuteqarfiginiarsarineqarpoq.