Oqaatsut eqqaani inuit marluk ajunaartut

Qaasuitsup Politiivisa Ilulissani immikkortortaqarfiat ippassaq sisamanngornermi juulip 23-ani nalunaaqutaq 13.25 kalerrinneqarput nunaqarfiup Oqaatsut avannaatungaani Anorituup eqqaani inuit marluk ipisimasut siormorneqarsimasut.
Allattoq Karsten Sommer
juulip 24-at 2015 10:33
Nutserisoq Simon Uldum -

Kalleriisup ilisimatitsissutigaa inuit umiatsiaaqqap eqqaani toqusimasut nassaarisimallugit.

Oqaatsuni kommunefogedi ingerlaannaq ornigutsinneqarpoq, Ilulissaniillu nakorsaq politiillu sisamat aamma ornigutsinneqarlutik.

Politiit apuunnerminni angut arnarlu 50-it naalernerini ukiullit marluk toqusimanerat paasivaat. Ajunaartut Ilulissani napparsimmaviliaanneqarput, toqqutigisimasaallu paasiniarlugu ullumi tallimanngornermi misissuiffigineqassapput. Politiit suliaq ajunaarnertut nalilerlugu maanna misissuiffigaat.

Qaasuitsup Politiivineersup Mads Odgaardip KNR-imut oqaatigaa sumiiffimmi ulluni kingullerni silagittoq, aammalu ajunaarneq qaqugorpiaq pisimanersoq ilisimaneqanngitsoq.

Ajunaartut marluusut ukiuni arlalinni aasaanerani Oqaatsuni najugaqartarput sumiiffillu ilisimaarilluarlugu.  

Ajunaartunut ilaqutaasut kalerrinneqareerput taakkulu maanna Ilulissanut ingerlaarlutik, Qaasuitsup Politiivi taama ilisimatitsipput.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq