Oqaatsit pillugit aappassaa festivaleqarneq

Kalaallisut oqaatsit arlaatigut tassani ilisaritinneqassapput. Oqalugiarnerit, pikkorissartitsipallannerit, nipilersukkat atuakkalluunniit tassani atorneqassapput. Filminik aamma takutitsisoqassaaq, akissarsiassartalimmillu oqaatsit pillugit unammisitsisoqassasoq, Danmarkimi aviisi, Information, Sermitsiami issuaavigineqarpoq.

Arlalinnik oqaaseqarneq nalliuttorsiutiginiarneqarpoq, nunarsuarmilu oqaatsit ilaasa misilitsinneqarnissaat eqqarsaataavoq.

Kalaallisut oqaatsit saniatigut hollandimiusut, tuluttut, franskisut, spaniamiutut italiamiutullu oqaatsit sammineqassapput, aammali oqaatsit nunanut aalajangersimasunut attuumassuteqanngitsut, soorlu juutitut oqaatsit, esperanto, persiamiut oqaasii kiisalu Karibiami oqaatsit franskit oqaasiinik aallaavillit fransk patois, aamma sammineqassapput.

Oqaatsit pillugit festivaleqarneq oqareernitsitut Københavnimi aappassaa pisussanngorpoq, ukiullu tamaasa pisartussatut takorloorneqarluni.