Oqaatsit kusanartut kimeqanngitsullu ilaapput

Oqaatsit kusanartut kimeqanngitsut, ullumikkut Outfitteritut aaqqissuussineq pillugu oqaatigerusunneqartut ilagaat. Outfitteritut aaqqissuussineq maanna Nunatsinni Takornariaqarnermi Inuussutissarsiornermilu Siunnersuisoqatigiit ukiamut allanngortinnialerpaat. Dieter Zellmannip, Outfitteritut akuersissummik pigisallip, Ilulissanilu takornariaqarnermik suliaqartup, Outfitteritut aaqqissuineq naleqannginnerarpaa. Iluaqutituaa tassaanerarpaa malittarisassami aqqip taaneqarnera.
Allattoq Oline I. Olsen
aggustip 13-at 2007 10:50

- Aaqqissuineq aningaasalersuisussanik kiisalu

ikiorsiissutissanik outfitterinut ataasiakkaanut atorneqartussanik amigaateqarpoq. Outfitteritummi suliaqarusuttut nammineq aningaasaatiminnit tigooqqaasariaqartarput, takornarianillu sullissisuunertik pillugu avammut nittarsaanneqassanatik, Dieter Zellmann, Ilulissani Outfitteritut akuerisaq, oqarpoq.

Nunatsinni Takornariaqarnermi Inuussutissarsiornermilu Siunnersuisoqatigiit nalunaarutigaat Outfitterit akuersissummik pigisaqartut 2004-miit ullumimut appariarujussuarsimasut, taakkua 25-ninngaanniit aqqaniliinnanngorsimammata

Nunatsinni Takornariaqarnermi Inuussutissarsiornermilu Sunnersuisoqatigiinni, Ineriartortitsinermi pisortap, Hans Peter Poulsenip erseqqissaatigaa, ukiuni kingullerni suliffeqarfiit annerit akornanni unammilleqatigiinneq sakkortusisimasoq, taakkualu takornarialerisussaminnik nammineq ilinniartitsisalersimallutik.

- Aaqqissuineq nutaaq takornarialerisunik kalaallinik amerlanerusunik soqutiginnilersitsiniartussaassaaq.

Aaqqissuinermilu outfitterit amigaatigineqartut nassaariniarneqassapput, Ineriartortitsinermi pisortaq Hans Peter Poulsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq