Oqaatsit atukkani ajuusaarutigai

Inatsisartut allattoqarfianni pisortap Nicolaj Sørensenip tusagassiuutinut nalunaaruteqarluni arnamut kannguttaatsuliorfigineqartumut pisuutitsineranut tunngatillugu tusagassiuutinut januaarip aqqarnganni nassiussaminut oqaatsinik atuinini ajuusaarutigaa.

Januaarip 15-ianni SIK, AK aammalu DJØF-ip Fællesklubia, tusagassiuutinut nalunaaruteqarput Nicolaj Sørensenip tusagassiuutinut nalunaarutaa januaarip aqqarnganeersoq isornartorsiorlugu.

Tamatumunnga Nicolaj Sørensen ima akissuteqarpoq:

- Tassunga atatillugu siullermik oqaatigineqassaaq Inatsisartut Allattoqarfiata suliffittut, allattoqarfimmi sulisorisat qullersaasalu inatsisinik unioqqutitsisumik innarliinerit qanorluunniit ittut allatullu innarliinerit sulinermi timikkut tarnikkulluunniit sunniisinnaasut isumaqatiginngimmatigit.

Tusagassiuutinut nalunaarummini ilaatigut ima tunngavilersuivoq: ”Misigisanik eqqaamasalersaarnermik” oqarneq atorneqarmat pineqartoq tassa 2007-imi juulip qaammataani allattoqarfiup qullersarisaanut saaffiginninnermi pisimasut aallaavigalugit nassuiaateqarneq. Kiisalu tusagassiorfitsigut nalunaarutip ingerlaqqinnerani “mamarliiniartoqartoqarneranik” oqartoqarmat pisimasinnaasunik ilimaginninnernik, inatsisinik unioqqutitsilluni innarliinerup tassungalu atasumik unnerluutiginninnerup pinerinut piffissat assigiin-ngeqisut pineqarput.

Tusagassiuutinut nalunaarummi ajuusaarneq ima naggaserneqarpoq:

Tusagassiorfitsigut nalunaarummi oqaatigisat taakku marluk sanileriissikkaanni paatsuungatitsisinnaammata akueraara. Taamaammat tusagassiorfitsigut nalunaarummi oqaatsinik atuineq ajuusaarutigaara.