Oqaatsit akilinermi aamma assortuussutaapput
Nunagisami oqaatsit pillugit kisitta oqallinneq ajorpugut. Akilinermi ima oqallittartigaat allaat oqaatsit pillugit sorsuttoqartartoq oqarsinnaalerluta.
Tuluit franskillu oqaatsit pillugit franskerpassuit najugaqarfianni Quebec-imi piffissami kingullermi assut sorsuttarput.
Illoqarfik tuluttut ateqarpoq ”Town of Mount Royal”. Taamaakkaluartoq aqquserngit tuluttut aqqi qalliinnarlugit franskisut atsersorneqarsimasut, CBC tusarliussivoq.
Quebecimi oqaatsit pillugit allaffeqarfimmit Office de la langue francaise-imit kimigiiserluni saaffiginnittoqartarnerata kingunerisaanik illoqarfimmi oqartussat aalajangerput aqquserngit tuluttut aqqi qalliinnariarlugit franskisut atsersoreqassasut.
Town of Mount Royalimi borgmesterip aqquserngit marloqiusamik atsersornissaat asuli illoqarfiup aningaasaajaatissaannaatut isigai.