Oqaatsinik atorluaapput
Akeqqat pillugit eqqartuilertilluni, oqaatsit mamiatsannannginnerusut atorneqartarnissaat, assiliallu eqqortut takutinneqartarnissaat pingaaruteqarpoq. Tamannalu USA-mi præsidentip illorsuani ilisimaarineqarluarpoq.
Peqqarniisaarnianik akiuiniarluni suliniarnermi oqaatsit mianersuullugit atorniarneqartalerput. Soorlu ingasaassiniarlutik Islamimut uppertut taaguuteqartinneqalersimapput, fascistiske islamister. Oqaatsinik taamaattumik atuisalersimasut tassaapput, USA-mi illersornissamut ministeri Rumsfeld, sorsunnerlu pillugu oqaaseqartartut allat.
Oqaaseq fascisme atorneqaraangat, sorsunnersuup aappaa utersaarfigineqaqqajaasarpoq. Taamanikkut fascisme akiorniarlugu aamma sorsuttoqarpoq, ajugaaffigineqarlutillu. Taamaasilluni kangiani qiterlermi sorsunneq akerlerineqannginnerusumik isigineqarnissaa neriuutigineqarpoq, oqaaseq fascistiske islamisiter atorneqartalermat.
Oqaaseq islamisk facsisme, inunnut aalajangersimasunut tusaatillugu qanoq igineqarnera misissuiffigineqarsimasoq, CNN oqaluttuarpoq. USA-mi islamimut uppertut isumaqarput, oqaaseq islamisk facsisme sakkortuallaartoq, upperisamullu Islamimut akerliuniarnerujussuartut nalilerneqarpoq.
