Oqaatilliisarfinnik pilersitsilerput
Qallunaat suliffeqarfiini qanoq pisoqartarneranik takunnissinnaalernissaq ajornannginnerulissaaq, soorlu suliffeqarfimmi ittuusoq karsimiit tillissimappat imaluunniit sulisut arlaatigut imminnut pisiortuussimappata.
Qallunaat Suliffeqarfissuisa Kattuffiat (Brancheorganisationen Dansk Industri) malittarisassanik suliaqarsimavoq, suliffeqarfiit qanoq oqaatilliisinnaanermik aaqqissuusisinnaanerannik imalimmik:
Pingaarnertut ujartugarput tassaavoq, suliffeqarfinni sulisut oqaaseqarsinnaanerannik periarfissinneqarnissaat, arlaatigut nalunngisaqarunik pasittaassaqarsimagunilluunniit suliffeqarfimmi unioqqutitsisumik iliortoqartoq, taava oqarasuaatikkut qarasaasiarluunniit atorlugu soorlu internittikkut oqaatilliisinnaanissaminnik periarfissaqalissapput.
Taamatut nutaamik aaqqissuussisoqarneratigut siunertarineqarpoq, suliffeqarfinni unioqqutitsisoqartarnerata soorlu akilersillutik kiffartuussinerminni unioqqutitsisartut kiisalu akilerneqaarlutik nipangersitaasartut annikinnerulersinneqarnissaata akiorniarneqarnerat anguniarneqarmat, soorlu avatangiisinik mingutitsinerit imaluunniit kinaassusersiornerit tassalu tamakkua siusinaartumik sorujussuanngorpallaannginnerini akulerutipallattoqarneratigut igalassimaarneqartussaapput.
-Qallunaat Suliffeqarfissuisa Kattuffianeersoq Ole Lund Hansen, siunnersortinut pisortaasoq DK radiomiit aperineqarami, tamatuma kingunerissaanik sulisut imminnut marsiinnalissannginnersut akivoq:
Tassani apeqqutaavoq sulisorisat qanoq ittumik attavigineqarnerat ingerlanneqartarnersoq, tassami sulisut paasisariaqarmassuk kiffartuunneqarlutik, suliffimminnilu arlaatigut ajortoqarpat aningaasarsiaqartitaanerminni ajortumik kinguneqannginnerani oqaatiginnissinnaanermikkut suliffimminnilu ataannarnissaminnut taamaalillutik imminnut illersorsinnaalissammata.
