Oqaaseqartartut tamarmik inissipput
Folketingimi partiit kalaallit nunaat pillugu oqaaseqartittagassaasa ilaat nutaraapput aamma ilaqarput ukiuni arlalinni folketingemi ilaasortaasut nunatsinnut tunngassuteqartunik ilisimasaqarluartunik.
SF sinnerlugu oqaaseqartunngorpoq Anne Baastrup taanna 1994-miilli Folketingimi ilaasortaavoq.
Anne Baastrup inatsisilerituutut ilinniarsimasuuvoq, Folketingimi ilaasortaanermini oqaaseqartartutut misilittagaqarluartuulluni.
SF-it folketingimi ilaasortaatitaasa oqaaseqartussaat assigiingitsut toqqarneqareermata, Kalaallit Nunaat pillugu oqaaseqartussaq kingullersaallugu toqqarneqarpoq.
Socialdemokraatit nunarput pillugu oqaaseqartussaat tassaavoq Flemming Møller Mortensen, taanna ukioq 2007miilli Folketingimi ilaasortaavoq.
Flemming Møller Mortensen Kalaallit Nunaat pillugu ilisimasaqarpoq, Ilulissani peqqissaasutut sulisimasimagami.
Folketingemi partiit Kalaallit Nunaat pillugu oqaaseqartartussaasa sinneri tassaavpput Birthe Rønn Hornbech (V), Per Stig Møller (K), Jeppe Mikkelsen (R), Søren Espersen (DF), Finn Sørensen (EL) og Villum Christensen (LA).
