Isiginnaagassiap "Jappa"-p Qaqortumi takutinneqarnissaa aqagumut sisamanngornermut nuunneqarpoq
Nunatta Isiginnaartitsisarfiani isiginnaagassiornermi aqutsisoq Manasse Berthelsen taama ilisimatitsivoq.
Isiginnaartitsisartut timmisartorlutik ippassaq Narsarsualiaraluarput, Narsarsuarmili nittaannera pissutaalluni Narsarsuaq qulaavaateriarlugu Nuummut utiinnartariaqarsimallutik.
Isiginnaartitsisartulli isiginnaartitsinermilu assiliartassai atortullu allat Narsarsuarmut maanna apuussimalerput, qulimiguulimmillu maanna Qaqortuliaanneqaleruttorlutik.
Tassa isiginnaagassiaq "Jappa" unnugu takutinneqartussaagaluarpoq, aqagumullu kinguartinnneqarpoq, Qaqortup timersortarfiani unnukkut nalunaaqutaq arfineq-pingasunut qiteqquppat takutinneqassalluni.
Isiginnaartitsissusiaq Nuummi sapaatip-akunnerata siuliani takutinneqarmat iluatsilluarpoq, Qaqortumilu isiginnaartut immaqa amerlanerusinnaassapput timersortarfimmimi takutinneqartussaammat.
Manasse Berthelsen, Nunatta Isiginnaartitsisarfianeersoq taama oqarpoq.