Open Skies ilalernartinneqarlunilu soqutigineqarpoq
Kalaallit Nunaanniit Kalaallit Nunaannullu timmisartukkut angallassinermi Open Skies-ip atuutilersinneqarsinnaanissaanut Naalakkersuisut eqqarsaataat Inuit Ataqatigiinnit Demokraatiniillu ilalernartinneqarlunilu soqutigineqarpoq.
Open Skies-imik taallugu imarpik ikaarlugu angallassisoqalissappat timmisartuutileqatigiiffiit assigiinngitsut timmisartuussisalersinnaassapput, Open Skies-illu atuutilersinneqarsinnaanissaa Naalakkersuisut qulaajarniarpaat.
Timmisartukkut angallassisartut annertunerusumik kiffaanngissuseqalernissaat Open Skies-imi qitiuvoq, timmisartuutileqatigiiffiillu unammilleqatigiillutik Kalaallit Nunaanniit Kalaallit Nunaannulluunniit timmisartuussisalissagaluarput.
Ilulissani Nuummilu mittarfit tallilerneqarnissaat pillugu Inatsisartuni ullumi oqallittoqarmat Open Skies ilaatigut sammineqarpoq.