Olympiadip ikumatitaliaa perulluliuutaavoq

Olympiadip ikumatitaliaata unammersuarnerit sioqqullugit nunarsuaq kaajallallugu angallanneqartarnera unitsinneqariaannaavoq.
Allattoq Louise M. Kleemann
apriilip 08-at 2008 13:54

Kinami Beijingimi OL-ertoqarnissaa sioqqullu ikumatitaliaq Parisimi perulluliuutaavoq, allaat arlaleriaralugu qaminneqarluni.

Olympiadeqarnermut nunat tamalaat ataatsimiititaliaasa 205-it aallartitaat Beijingimi ulluni makkunani ataatsimeersuarput, tassanilu ikumatitaq oqaluuserisassat ilagaat.

Danskit Nunat tamalaat olympiadernermut ataatsimiitaliaani IOC-mi ilaasortaq isumaqarpoq, ikumatitaliaq angallanneqartariaqanngitsoq.

- Ikumatitaliaq eqqissinermut timersortorpalaanermullu takussutissiaq, maanna politiinit paarineqartunit angallanneqarnera takullugu ajorluinnarpoq. Angallanneqarnerani perulluliortunit pisaannassappata ileqquujunnaarsittariaqarpoq, Kai Holm oqarpoq.

IOC-mi siulersuisut qanoq pinissamik suli aalajangiussaqanngillat.

Ikumatitaliap timersortartorpassuarnit nunanit tamaneersunit nikittaallugu Grækenlandimi Olympiamit unammiuaarfissamut ingerlanneqartarnera, Berlinimi 1936-mi OL-ertoqarnerani siullermeerluni pivoq, kingornalu OL-eqarnerit tamaasa piuartarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq