Aningaasaqarnermut Ataatsimiititaliap ilaasortaat marluk Siumumeersut, Per Berthelsen aamma Finn Karlsen, ataatsimiititaliami ullumi ataatsimiinnissaq peqataaffigerusussimanngilaat, oqaluuserisassat 97-nik quppernillit, aatsaat ippassaq ualikkut tigusimagamikkit.
Taakku KNR-imut oqarput ataatsimiinnissaq kinguarteqqullugu siulittaasunngortumut siunnersuutigisimagaluarlugu, itigartitaasimallutilli
Tamatumunnga akissuteqarluni Olga P. Berthelsen KNR-imut ima oqarpoq:
- Uanga ataatsimiititaliamilu ilaasortat allat akisussaaffigisinnaanngilaat, Per Berthelsenip atuagassani qaqugukkut aanerai imaluunniit atuassanrai. Tamanna nammineerluinnarluni akissuaaffigaa aammalu ataatsimiititaliami ataatsimmeeqataanissani akisussaaffigalugu, Olga P. Berthelsen oqarpoq.
Per Berthelsenip aamma Finn Karlsenip ilanngullugu KNR-imut oqaatigaat, Aningaasaqarnermut Ataatsimiititaliami siulittaasunngortup itigartitsinermini ataqqinnippalunngitsumik nipeqarluni isumalullunilu akisimagaatik, tamatumunnga Olga P. Berthelsen ima akivoq:
- Isumalullunga oqarfiginngilara, imaassinnaavorli nipimik aalajangersimarpasissumik nipeqarlunga oqarnera isumalunnermut saatissimagaa, Aningaasaqarnermut Ataatsimiititaliami siulittaasunngorlaaq, Olga P. Berthelsen akivoq.