Ole Møller eqqartuussivimmi sassartinneqalerpoq

Ole Møller, pinngitsaaliisimasutut killiligaanngitsumik Herstedvesterimi pineqaatissinneqarsimasoq, Nunatta Eqqartuussiviani misiligummik anisinneqarnissani anguniarlugu ullumi sassartinneqassaaq.

Tamanna TELE-p allaffissuanit TV-ikkut attaveqaqatigiinnikkut ingerlanneqassaaq.

Ole Møllerip illersuisua, Thorkild Høyer, suliap inernissaanut neriuuteqarluarpoq.

- Nunatta eqqartuussiviata Aasianni eqqartuussiviup aalajangersimasaa naqissuserneqassasoq ilimagaara, tassami Aasianni eqqartuussiviup aalajangernera ersarilluinnarpoq takorloorsinnaanngilaralu nunatta eqqartuussivia allaanerusumik aalajangissasoq. Ole Møllerilu misiligummik anisinneqassappat pinerluttunik isumaginnittoqarfimmit sakkortuumik paarineqassaaq, tassungalu ilaavoq antabussitortinneqarnissaa tissannaveersaatinillu iisartagartortinneqarnissaa, pinerluttunillu isumaginnittoqarfimmit piumasaqaatigineqarput suliffeqassasoq, najugaqassasorlu. Tassa qanimut paarilluaqqissaarneqassaaq siunissami pinerloqqinnginnissaa anguniarlugu.

Ole Møller misiligummik iperagaassaguni Danmarkimiiginnassaaq.

Oline Inuusuttoq Olsen ilanngutassiamik suliarinnippoq.