Ole Jeremiassen: Takunngitsuugaqartarsimassaagut

Sineriak 400 kilumiiterit missaannik isorartussusilik, kommunit tallimat, tassa Piniarnermut aalisarnermullu nakkutilliisut marluusut Ilulissani angerlarsimaffillit nakkutiginiagassaat. Tamatuma kingunerisaanik takkuitsuugaqartarnissartik, piniarnermut nakkutilliisup Ole Jerimiassenip qularutiginngilaa.
Allattoq Mads Lynge
juulip 29-at 2008 17:01

- Kangaatsiami nakkutilliiveqarfik taamaatikkiartuuaarneqarmat massakkullu angallataarummata piumaffigineqarpugut, Kangaatsiarmiut nakkutilliiviat ilanngullugu tigussagipput, Ole Jerimiassen, Radioaviisimut oqarpoq.

Ole Jerimiassen suleqannilu Ejvind Jensen nakkutilliiffiginialigassai tassalerput kommunit tallimat tassalu Kangaatsiap, Aasiaat, Qasigiannguit, Ilulissat Uummannallu kommuunii. Taakku saniatigut Nassuttooq.

Nakkutilliinermi aalisarneq kisiat nakkutiginngilaat.

Piniarneq, tuttoqarfiit, umimmaqarfiit, timmissat inai eqqissisimatitaaffiit, saattuarniarneq, kiisalu eqaloqarfiit.

- Angallateqarpugut sukkasoorsuunngitsumik, taamaammallu nakkutilliiniarnerput ilungersunartarpoq, Ole Jerimiassen oqarpoq.

Tamatuma kingunerisaanik takkuitsuugaqartarnissartik qularutiginngilaa.

- Ilimanarpoq takunngiitsugaqartarsimanissarput aamma taammaassooq, Ole Jerimiassen naggataagut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq