OL: Savalimmiuniit pernaammik peqataasoqarpoq

OL Kinami Beijingimi ilisimariikkatsitut ullumi aallartissaaq. Grækenlandimi Athenimi 2004-mi kingullermik OL-ertoqarmat kalaallinit kingoqqisoq ataaseq danskit OL-imut peqataatitaanni peqataavoq, tassa pisissaartartoq Hasse Pavia Lind – taannalu taamanikkut angusarissaaqaaq.
Allattoq Louise M. Kleemann
aggustip 11-at 2008 12:44

Massakkulli OL-ertoqarnerani kalaallinik peqataasoqarnersoq paaserusukkaani ujaaserujussuartariaqarpoq, peqataasoqanngilarli, taamaattorli Savalimmiuniit pernaammik peqataasoqarpoq, timersuullu savalimmiormiut nuannarilluagaat aallunneqasaaq, tassalu iporsuunneq.

Iporsuuttussaq tassaavoq Katrin Olsen, taanna letvægtimi peqataassaaq. Savalimmiulli -Kalaallit Nunaattuulli - Olympisk Komité-mut ilaasortaanngimmata, Katrin Olsen Danmarki sinnerlugu peqataassaaq. Savalimmiormiumilli nunarsuatsinni timersuutit annersaanni pingaarnersaannilu peqataarngaartoqarnissaa Savalimmiuni nuanaarutigineqaqaaq.

Katrin Olsen aviisimit Politikeninimit apersorneqartilluni oqarpoq, Beijingimi OL silami timersortarfissuarmit ammaanersiortoqalerpat, Savalimmiut erfalasuat uummamminit eqqarsaatiginiarlugu.

KNR-TV-p OL-imit ammaanersiornersuaq ulloqeqqata siorna nalunaaqutaq qulinut aallakaatilerpagu Katrin Olsen maluginialaarniarisiuk.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq