OL-imut ullut 100-innanngornerat malunnartinniarneqartoq
OL-imut atatillugu ikumatitaq ingerlaartoq aalassassutaaqisumik nunat assigiinngitsut aqqusaartareerlugit Kina-mut utertinneqareersimalerpoq.
Kina-mi illoqarfiit pingaarnersaanni OL-eqarnissaanut piareersarnermut aningaasartuutit katillugit 190 milliardit atorneqareerput, ilaatigut mittarfimmi tikittarfissamut, qimuttuitsut nunap ataatigoortut aqqutissaannut unammersuarnerillu aaqqissuunnissaannut atorneqarlutik. Taamaattoq Kinami aqutsisut inuit pisinnaatitaaffiinut isiginninnerat, Tibet-imi pissutsinut isornartorsiornermut, Beijing-imilu silaannaq migutsinneqarsimaqisoq oqallisaanerupput.
Beijing-imi silaannaap migutsinneqarsimaqisup peqqissutsimut akornutaasinnaanera timersortartunit nuimasunit arlallinnit ernumassutigineqarpoq, ataasiakkaallu peqataaniarnatik nalunaareerput.