OL-imut atatilllugu ikumatitaq Kinamut apuuppoq

OL-imut atatillugu ikumatitaq ingerlaartitaq aalassassutaaqisumik nunat assigiinngitsut aqqusaareerlugit Kina-mut anngunneqareersimalerpoq.

Kinami illoqarfiit pingaarnersaanni OL-eqarnissaanut piareersarnermut aningaasartuutit katillugit 190 milliardit koruunit atorneqareerput, ilaatigut mittarfimmut tikittarfissamut, qimuttuitsut nunap iluatigoortut aqqutissaannut unammersuarnerillu aaqqissuunnissaannut atorneqartunik. Taamaattorli Kinami aqutsisut inuit pisinnaatitaaffiinik isiginninnerat, Tibetimiunik naqisimanninnermut isornartorsiuinermut, Beijing-imilu silaannaq mingutsinneqarsimaqisoq oqallisaanerupput.

Beijing-imi silaannaap mingutsinneqarsimaqisup peqqissutsimut akornutaasinnaanera timersortartunit nuimasunit arlalinnit ernummatigineqarpoq, ataasiakkaallu peqataaniarnatik nalunaareerput.