KNR-ip Beijingimi ammaanersiorneq ullaap-tungaa nalunaaqutaq qulinut toqqaannartumik aallakaatissavaa.
Kinami ullaanngoraangat Kalaallit Nunaanni unnuttarpoq, taamaattumik OL-mit aallakaatitsinerit, ullut tamaasa akunnernik aqqaneq-marlunnik sivisussuseqartartussat, unnukkut nalunaaqutaq aqqanernut KNR-mi aallartittassapput, aqaguanilu ullup qeqqata missaani naasassallutik.
Unnuakkulli isiginnaarsinnaanngikkanni eqikkaanerit unnukkut TV-avisip kingullip kinguninngua ullut tamaasa aallakaatinneqartassapput.
KNR-ip takutittassavai Danmarks Radiop aallakaatitsineri, danskilli angutitai assammik arsarnermi unammileraangata TV 2 –mut ikaarsaartoqartassaaq.
Kisianni tassa OL-mit aallakaatitsineq siulleq ulloqeqqata siorna nalunaaqutaq qulinut tanneq aqqaneq aallartissaaq, isiginnaarluarisi.