Oktobarip ulluisa 23-anni ataatsimiilerput

Namminersorneq pillugu isumalioqatigiissitami aningaasarsiorneq inuussutissarsiornerlu pillugit suleqatigiissitaq ataatsimeeqqittussanngorpoq. Suleqatigiissitaq oktobarip ulluisa 23-anni ataatsimeeqqissaaq.
oktobarip 10-at 2007 05:20

Suleqatigiissitami ilaasortat kalaalersaasa sulinertik aggustimi unitsippaat, pisuussutinit uumaatsunit siunissami isertitassat agguataarnissaat isumaqataaffigisinnaajunnaaramikku. Kalaallit unitsitsinerat isumalioqatigiissitap siulittaasoqarfianit oktobarip ulluisa pingajuanni anguniakkat erseqqissarneqarnerannik kinguneqarpoq, suliap ingerlaqqinnissaanik naalakkiinertut isigineqarsinnaasumik.

- Ataatsimiinnissaq ataaseq kisimi pilersaarutaagallarpoq, suleqatigiissitami siulittaasoq, Frank Jensen, oqarpoq.

Ataatsimiinneq Christiansborgimi ingerlanneqassaaq. Namminersorneq pillugu isumalioqatigiissitaq tamarmiusoq decembarip aallartinnerani katersuutissaaq, ataatsimiinnermi innersuussutissat ministeriunermut, Anders Fogh Rasmussenimut, saqqummiunneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq