OECD Nunatsinnut tikissaaq

OECD-mit misissueqqissaariartortut kalaallinik qinikkanik, ilisimatusartunik, atorfilinnik allanillu qitiusumik aalajangersaasartunik apersuissapput.

Sapaatip akunnera qaangiuppat OECD-meersut ingerlaqqissapput Islandimut, Savalimmiunut, Norgimilu avinngarusimasunut misissueqqissaariartussallutik.

Ataatsimut isiginnittumik misissueqqissaarnissaq, nunallu immikkoortuini ineriartortitsinissani suut suliniutaasariaqarnersut pillugit pitsaasunik siunnersuusiornissaq siunertaavoq.

- Siunissami politikkikkut aalajangigassani pingaarutilinni, misissueqqissaarneq tunngavigalugu siunnersuuteqarnissaq naatsorsuutigineqarpoq, taamaalilluni nunap immikkoortuini nunanilu ataasiakkaani pingaarutilinnik ineriartortitsisoqarsinnaaniassammat, Lars Thostrup Nunat Avannarliit suleqatigiiffianni NORA-mi pisortaasoq oqarpoq.