Odensemi ataatsimiinneq soqutigineqarluartoq

mosregionportal.ru - realstate Gruppep folketingimi ilaasortaatitai marluk Høgni Hoydal aamma Juliane Henningsen oqarput suliassanik ingerlateqqitassaqaqalutik.

Savalimmiormiut kalaallillu folketingimi ilaasortaatitaat savalimmiorpassuarnik kalaalerpassuarnillu Danmarkimi najugaqalernikunik tusarniaasarnerat akuttuallaartoq, Høgni Hoydal isumaqarpoq.

- Tusarniakkatsinnit tassa tamakkua tusarusutagut; ulluinnarni savalimmiormiunut kalaallinullu attuumassuteqartut uagut ingerlateqqitassagut. Tamakkuami uagut suliassatsinut ilaapput.

Utoqqaat pisinnaatitaaffii kiisalu savalimmiormiut kalaallillu inuiattut minnerussuteqartutut inissinneqarnissaat - taamatullu pisinnaatitaaffeqalernissaat -

Hoydalip suliariniakkamisut taavai.

Ataatsimiittarfimmi ulikkaavissumi inuit 80-it missaanniittut najuuttut oqalliseqaataapput. Ulikkaangaarmat Kalaallit Illuutaanni pisortap Kirsten Mærskip ikuallattoqalernerani anisarfiit sumiinnerinik ilitsersuinissani allaat pisariaqartillugu. Najuuttut ilagaat kalaallit peqatigiiffianni Umiami siulittaasoq, Helga Nielsen. Den Nordatlantiske Gruppep misissortitai tusarfigissallugit taassuma immikkut soqutigai.

- Suliariniagaat arlallit soqutiginarteqaakka, soorlu Kalaallit Nunaannut uterusuttut utoqqalinersiutitik pisartagariinnarsinnaaneraat tamakkualu assigisaat qanoq inerneqassanersut assut pissanganarsoraara, Helga Nielsen oqarpoq.

Oqallitsitsinerminni pissarsiatik Juliane Henningsenip iluarisimaarpai.

- Pissarsisorujussuuvunga. Namminerisamik oqaatsit atorlugit sullinneqarsinnaanermut tunngasut eqaassagaanni maannakkut danskit naalakkersuisui peqqinnissaqarfiup iluani kalaallinut nutserinermut tapiissutit peerniarpaat. Taanna suliassatut pingaarnertut tigussuara. Juliane Henningsen oqarpoq.