Ocean Nova ikkarlimmit kaanngartinneqarpoq
Umiarsuaq takornarianik angallassisartoq Ocean Nova, siornatigut Sarpik Ittuk-mik ateqartoq, Sikuiuitsumi Kujallermi ikkarlinnerata kingorna maanna kaanngartinneqareerpoq, Argentinamullu aamma ingerlaalereerluni. Internetikkut nutaarsiassaqartitsivimmi Maritimedanmark.dk-mi taama allaaserinnittoqarpoq.
Allattoq Mads Lynge
februaarip 19-at 2009 05:34
Umiarsuaq angalatitseqatigiiffimmit Quark Expeditionsimit pigineqarpoq, ilaasullu tamarmik umiarsuarmut allamut, Quark Expeditionsimit aamma pigineqartumut ippassaq nuunneqarput.
Ocean Nova Argentinap kujasissortaanut maanna ingerlaarpoq, illoqarfimmut Ushuaiamut ingerlaarami.
Umiarsuaq ikkarlinnermini ajoqusinngilaq, tamatumunngalu pissutaatinneqarpoq umiarsuaq issittumi angalasartussatut sanaajummat.
Angalatitseqatigiiffik Quark Expeditions amerikamiunit pigineqarpoq, issittunullu angalaartitsisartuulluni.
Ocean Nova 74-inik ilaasoqarluni, 30-nillu inuttaqarluni Sikuiutsup Kujalliup eqqaani ikkarlippoq.
