Obamap timmisartua ajutuulernermi mittoq
USA-mi demokratit præsidentimut qinigassanngortitaata Barack Obamap timmisartua ajutuulerluni St. Louisimut ullumi mittariaqarsimavoq.
Allattoq Elisa Isaksen
Timmisartoq ingerlanerlioreerluni ajoqusernani nunnippoq.
Obama Chicagomit North Carolinami illoqarfimmut Charlottimukaraluarpoq oqalugiariartorluni. Timmisartortartup naliliineratigut ajutuulernermi minnissaq aalajangiunneqarsimavoq.
Timmisartoq MD-80 ajutuulernermi mittoq, Obamap qineqqusaarnerminilu ikiortaasa atorneq ajoraluarpaat. Timmisartormi atortagaat maanna misissoqqissaarneqaleruttormat, tassami republikanerit qinigassanngortitaannut John McCainimut ukiaanerani unamminermi atorneqarluartussaagami.