Obamap suliniummi annersaat anguaa

USA-mi innuttaasut 300 millionit napparsimalersinnaanermut sillimmaserneqarsinnaanngussapput. Tamanna pivoq, peqqinnissaqarfik pillugu aaqqissuusseqqinnissaq oqallisaaqisoq præsident Barack Obamap unnuaq akuersissutigitereeraalu.
marsip 22-at 2010 05:14

Repræsentanternes Husimi taasisitsinermi ilaasortat 219-it akuersipput, 212-it akerliusut. Præsident Obamap suliummi annersaasa ilaat taamaalilluni anguaa.

Peqqinnissaqarfik pillugu aaqqissuusseqqinnissaq ukiut 45-t ingerlaneranni aatsaat taama sukataarutigineqartigaaq, USA-milu innuttaasut tamarmik napparsimalersinnaanermut sillimaserneqarsinnaanngussapput. USA-mi præsidentiusimasup, Theodore Rooseveltip, politikkikkut anguniagaq taanna 1912-imi saqqummiuteqqaarpaa.

Obama oqarpoq, amerikamiut sillimmaserneqanngitsut 32 millionit napparsimalersinnaanermut sillimmaserneqarsinnaalernissaannut aaqqissuusseqqinneq pisariaqartoq. Aamma oqarpoq sillimasiisarfiit amerikamiunik "ujajaallutillusooq" asuli akilersuisitsisarnerat, iluamillu pinnittannginnerat aaqqissuusseqqinnermi unitsinneqarsinnaassasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq