Mexicop Kangerliumanersuani uuliasiornermi ajutoorneq sakkortuseruttortoq taamatut kinguartitsisoqarnissaanik nalunaaruteqartoqarpoq.
Aviisi Alaska Dispatch nittartakkamini allappoq uuliasioqatigiiffik Shell Alaskap sineriaani tallimanik qilleriniarluni aasamut pilersaaruteqaraluartoq.
Aamma senator Begich isumaqarpoq, Issittumi uuliasiorluni qillerinissat kinguartinneqarnerat kukkunerusoq.
- Mexicop Kangerliumanersuani ajutoortoqarnerata kinguneranik, uuliasioqatigiiffiit imaani qillerisut nakkutigineqarnerunissaat akisussaaffeqarnerunissaallu pisariaqartinneqarpoq, senatori oqarpoq nangillunilu:
- Kisianni Mexicop Kangerliumanersuani uuliamik mingutsitsisoqarnerata kinguneranik Shell ernummatigineqartunut pingaarutilinnik aningaasaliissuteqareerpoq, senator Begich oqarpoq.