Obamap issittumi uuliasiornissamut inerteqquteqarnera eqqartuussisup atuutsikkusukkaa
Præsidentiusimasup Obamap issittup imartaani sumiiffiit annertuut uuliamik gassimillu piiaaffigineqarsinnaajunnaarlugit 2015-imi 2 matuai.
Sumiiffiit nappartanik 27 milliardinik uuliaqarnissaat missiliorneqarpoq.
Præsident Trumpip Obamap aalajangernera 2017-imi peerseriaraluarpaa alaskamiulli eqqartuussisuata, Sharon Gleasonip præsident Trumpip misiliinera inerteqqutaanerarpaa Obamallu aalajangerneranik allannguinissamut oqartussaannginnerarlugu pissutigalugu amerikamiut kongressia kisimi taamaaliorsinnaammat, eqqartuussisoq sapaatip akunnerata siuliani oqaaseqarpoq.
Anchorage Daily Newsip allaaserisaa naapertorlugu avatangiisit nunallu inoqqaavi pillugit suliniaqatigiiffiit qulit Præsident Trumpip siunnersuutaanik unitsitsiniarlutik eqqartuussissutigoortitsisut eqqartuussisup aalajangerneratigut ajugaassuteqarput.
Præsident Trumpip suliaq qularnanngitsumik suliassanngorteqqissagaa Anchorage Daily Newsip ilanngutassiortua, KNR-imut oqarpoq.