Obamamut pilluaqqussuterpassuit takkussuupput
Nutaarsiassaqartitsivimmi Ritzauimi tamanna atuarneqarsinnaavoq.
- Misigisaavoq pingaarutilissuaq imaannaanngitsorlu. USA-mi innuttaasunuinnaanngitsoq, nunarsuarmili innuttaasunut tamanut, demokratiimik, kiffaanngissuseqarnermik siumukarnermillu upperinnittunut, Australiami ministeriuneq, Kevin Rudd, nutaarsiassaqartitsivimmut Ritzauimut ullaaq manna oqarpoq.
Frankrigimi præsidentip, Nicolas Sarkozyp, amerikamiut præsidentitaavat peqatigalugu ”silarsuaq allanngortikkusuppaa”.
- Præsidentitaap suliaminik aallartitsinisaa utaqqisinnaanngingajapparaluunniit, Sarkozy ippassaq oqarpoq.
Tysklandimi forbundskanslerip, Angela Merkelip, Tuluit Nunaanni ministeriunerup, Gordon Brownip aamma Japanimi naalakkersuisut neriuutigaat USAmi præsidentinngortoq qanimut suleqatigissallugu.
Kinamili tusagassiorfiit naalagaaffimmit pigineqartut Obamap siuttuunissaa siunissami qanoq sunniuteqassanersoq ernumanartoqartippaat.