Obama: World Trade Centerip toqqavigisimasaani naalaffiliortoqassaaq
2001-mi sittip aqqarnanni World Trade Center, muamaakkut ingasattajaarniat timmisartunik saassuppaat suujunnaarsillugu.
Ground Zero-mi muamaakkut naalaffiliulersaarnerat amerikamiorpassuit akerleraat.
Isornartorsiuisartut naalaffiliulersaarneq unitsinniarlugu Ground Zero eqqissisimatitassatut siunnersuutigaat. Sapaatip akunnerani kingullermi, toqqaviup eqqissimatitaannginnissaa pisortat aalajangerpaat, siunertaralugu muamaakkut naalaffissaanik sanasoqassasoq.
Nunat tamat assigalugit USA-mi qanorluunniit upperisaqartoqarsinnaanera Obama-p innersuussutigaa:
- Manhattenimi inuinnaat pigisaannik inuillu kikkut tamarmik naapittarfigisinnaasaannik qinusarfissaannillu sanaartorsinnaaneq kikkunnut tamanut atuuttussaavoq, piffinni inatsisit maleruagassallu atuuttut eqquutsinneqarpata, amerikamiut præsidentiat oqarpoq.
Illorsuaq pilersaarutaasoq, Cordoba House, 13-nik quleriijusussaassagaluarpoq, tassani muamaakkut naalagiartarfeqassallutik aammalu oqalugiartarfimmik inersuaqassagaluarluni inunnut 500-nut inissalimmik.