Obama: USA-p akisussaaffini naammassiniarpai
USA-p præsidentia Barack Obama Bella Centerimi oqalugiaqqammerpoq, silallu pissusaata allanngoriartornerata maannangaaq iliuuseqarfigineqarfigineqarnissaa pingaarnertut oqariartuutigaa.
Allattoq Mads Lynge
decembarip 18-at 2009 07:38
Oqallittoqaannarani iliuuseqartoqartariaqartoq aamma oqaatigaa:
- Ullumikkuminngaanniit iliuuseqarnissatsinnut piareeqqavugut, tamattalu peqataasariaqarpugut. Pereersut eqqarsaatiginagit siumut isigisariaqapugut, Barack Obama oqarpoq.
Isumaqatigiittoqanngikkaluarpalluunniit USA-p iliuuseqarnissani akisussaassuseqarninilu qimarratigisinnaanngikkaa, Obamap neriorsuutigaa.
USA-p CO2-mik aniatitsinera 2020-utinnagu 17 procentinik annikillisinneqarsimassasoq, 2050-iutinnagulu 80 procentinik annikillisissisimassagaa aamma neriorsuutigaa:
- Ataatsimoorussamik iliuuseqarnissarput maanna qularnarpoq, isumaqatigiinniarnerit ajornakusoortut eqqarsaatigalugit, Barack Obama oqarpoq.
