Obama allannguerujussuartoqarnissaanik piumasaqarpoq
USA-mi inatsisartunit akuerineqartariaqanngitsumik, immikkut inatsit atorlugu tamanna pivoq. Tusaannarlugu allannguinerujussuartoqarnissaanik nassataqarsorinanngikkaluartoq taamaattoq tamanna sakkortoorujussuusoq, DR ilisimatitsivoq.
USA-mi naalakkersuisut 500.000-init amerlanerusunik illuuteqarput, assersuutigalugulu 600.000-t sinnerlugit oqartussaasoqarfinni biiliuteqartoqarpoq, aammalu 1.8 miliuuninik atorfilittaqartoqarluni, taamaammat tamakku amerlaginarput.
Taakku saniatigut anguniassanik pilersitsisoqarnikuuvoq, tassalu 2015-imi eqqakkat 50 procentiinik atueqqittarnissaq, 2020-milu benzinamik 30 procentimik atuinnginnerunissaq.
USA-mi inatsisartuni silap pissusaa aamma avatangiiseq pillugit inatsisissamik arreeqisumik suliaqarnermut aammalumi peqqinnissaqarfimmik allanngortiteriniarnermut tamanna alloriartitseqataassaaq. Tamatumalu avatangiiseqarnerup, nukissiuuteqarnerup aammalu silap pissusaanut tunngatillugu Obamap aallussineranik takussutissiissaaq, aammalu iliuuseqarnissamut piareersimasoqaranik ersersitsissalluni. Tamatuma saniatigut USA-mi inatsisartut iliuuseqanngippata allaffissornikkut iliuuseqarnissamut piareersimasoqarneranik tamanna ersersitsissaaq.
Apple USA-mi niuernermik siunnersuisartoqatigiinnit qanittukkut ilaasortaajunnaarpoq, tamatumani silap pissusaanut, avatangiisinut nukissiuuteqarnermullu tunngasunut niuernermik siunnersuisoqatigiit qanganisarsiortutut ingerlatsinerannut akerliulluni.
Assersuutigalugu carbon stain systemimik, tassa gassinik silaannarmik kissatsitsiartortartut pillugit iliuusissamut niuernermik suinnersuisartoqatigiit akerliunerat akuerisinnaanagu oqartoqarluni.
Aammalu niuernermik siunnersuisoqatigiinni ilaasortaajunnaartut suliffeqarfissuit angisuut Apple sisamaraat, taamaammat aamma USA-mi inuussutissarsiutit avissaartuupput. Philip Meisner Steffen Gramimut taama oqaaseqarpoq.
