NÛKp nukappiartai finalemut anngupput

U-16-ni nukappissat finalertussat tassaalerput Norsaq HC Aasianneersoq aamma NÛK Nuummeersoq. Niviarsissani Kâgssagssuk Maniitsumeersoq finalemut piareerpoq.
Allattoq Noah Mølgaard
marsip 26-at 2011 08:37

 

Nukappissani NÛK Nuummeersoq pissartanngussangatinneqalerpoq U-16-it assammik arsarlutik pissartanngorniunneranni. Pissartanngussangatinneqalernerat pivoq finalemi unammisassatik Norsaq HC tallimanngornermi unnukkut 28-15-mik ajugaaffigimmatigik.

Unamminerup aallartinneraniit NÛK aqutsisuuvoq muminnermilu 13-6-mik siuarsimalluni. Nukappissat unamminerisa aappaani Kâgssagssuk Maniitsumeersoq 27-23-mik SAK-mut Sisimiuneersumut ajugaavoq.

Niviarsissat Kâgssagssummeersoq maanna finalemut anngupput tallimanngornermi unnukkut Nagdlúnguak Ilulissaneersoq 31-16-mik ajugaaffigigamikku muminnermi 13-10-mik siuarsimareerlutik. Niviarsissat unamminerisa aappaani NÛK aamma SAK naligiiginnarput 16-16-mik muminnermi SAK 10-7-mik siuaqqasimagaluartoq.

Kâgssagssuup finalemi unammisassaa aatsaat nassaarineqassaaq arfininngornermi unamminerit naammasippata.

Aajuku tallimanngornermi angusat:
NÛK – SAK 16-16 (7-10) (niviarsissat)
Arsarluarnerpaaq: Maannguaq Berthelsen, NÛK

SAK – Kâgssagssuk 23-27 (14-10) (nukappissat)
Arsarluarnerpaaq: Søren Kreutzmann, Kâgssagssuk

Nagdlúnguak – Kâgssagssuk 16-31 (10-13) (niviarsissat)
Arsarluarnerpaaq: Pilunnguaq Jørgensen, Kâgssagssuk

NÛK – Norsaq HC 28-15 (13-6) (nukappissat)
Arsarluarnerpaaq: Nick Rasmussen Lyberth, NÛK

Aajuku arfininngornermi unamminissat:
Nal. 13.00 GSS – Kâgssagssuk (niviarsissat)
Nal. 14.30 GSS – Kâgssagssuk (nukappissat)
Nal. 16.00 Nagdlúnguak – NÛK (niviarsissat)
Nal. 17.30 SAK – NÛK (nukappissat)

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq