NÛKp arnartai ajugaaqqipput
Illup iluani arsaannermi arnat GM-rnerat sapaammi naggaserneqarmat NÛK pissartanngortitsillunilu sølvinnappoq.
Allattoq Noah Mølgaard
Siorna pisoq uteqqinneqarpoq illup iluani arsaannermi arnat pissartanngorniunnerat sapaammi unnukkut naammassineqarmat. Finalemi NÛK1 NÛK2mut ajugaavoq 2-0-mik.
Sapaammi ualikkut unamminerit pissanganartut ingerlanneqarput finalemut annguttussarsiornermi. NÛK-meersut marluk, B-67 aamma I-69 Ilulissaneersoq semifinalerundemut anngupput. Taakku tamarmik imminnut unammereerneranni angusarissaarnerit marluk finalemut anngupput.
Bronzennanniunnermi I-69 B-67-mut 3-0-mik ajugaavoq.
Ukiut pingajussaa arnat illup iluani arsaannermi pissartanngorniupput tamatigullu NÛK pissartanngortitsisarpoq.